Os xigantes, cabezudos e figuras portantes de cortexo constitúen un dos complexos folclóricos máis estendidos polo planeta. A súa existencia en máis de 5000 localidades de 90 países ou territorios proba a puxanza dun fenómeno relixioso-festivo con manifestacións nos cinco continentes: en Europa desde Rusia ata Portugal e desde Italia ata Alemaña; en América desde Canadá ata Chile e Arxentina; en Asia por todo o sueste (Xapón, China, Filipinas, Bangladesh, Camboia…); en África por boa parte da conca do Níxer e o Golfo de Guinea (Burkina-Faso, Camerún, Benín, Guinea Conakry e Bissau…), e na Oceanía nas illas da Polinesia como Vanuatu.

   En Galicia os xigantes procesionais están documentados desde o século XVII e aínda que non son tan abundantes como en Cataluña, o norte de Francia ou a Valonia belga –as rexións europeas con maior número de exemplares-, sobreviven en máis medio centenar de localidades galegas e hai noticias da súa existencia nalgunhas outras nas que na actualidade desapareceron.

  Todas as cidades galegas e case todas as vilas de importancia teñen ou tiveron xigantes e cabezudos nos seus festexos, mais foron escasos os estudos que se lles dedicaron. Esa carencia é a que pretendemos cubrir con esta Web na que se analiza a orixe e significado dos xigantes galegos, á luz de paralelos tanto peninsulares como europeos, ao tempo que se catalogan, estudan e reproducen todos os casos dos que puidemos atopar noticias

Castellano

Localidades galegas con xigantes e cabezudos documentados

(preme no concello que desexes para acceder á información do mesmo)